Experimento: xermolamos lentellas

Ola! Hoxe propóñovos un experimento moi sinxelo. Estou segura de que vos vai gustar.

Isto é o que precisades:

• unhas poucas lentellas
• dous botes (poden ser de iogur)
• un chisco de auga
• unha caixa de cartón
• algodón

Primeiro repartimos o algodón entre os dous botes. Botamos un chisquiño de auga sobre o algodón para humedecelo. Esparexemos unhas poucas lentellas dentro de cada bote. 

Un dos botes metémolo dentro da caixa. O outro deixámolo fóra para que reciba luz do sol. 

Imos observando día a día o que acontece durante aproximadamente 15 días. As follas de rexistro que podedes imprimir poden servos moi útiles! Ide anotando todo. Aquí tedes un vídeo co paso a paso:

Xa me contaredes o que acontece!